هذه الرسالة تفيد بأنك غير مشترك فى منتدى الأستاذ عصام حمدي . للاشتراك الرجاء اضغط هنــا
   
المنتدى الرسمى للأستاذ عصام حمدي  

اعلانات :

-->
العودة   المنتدى الرسمى للأستاذ عصام حمدي > الساحة العامة > ثقافة و أشعار

التسجيل السريع فى المنتدى!
الاشتراك فى المنتدى عن طريق تعبئة البيانات الأتية

اسم الدخول: الباسورد: إعادة الباسورد: الايميل: اعادة الايميل:
تاريخ الميلاد:      
التحقق من الصورة.
رجاءً ادخل الستة أرقام أو الحروف الظاهرة في الصورة.

  انا موافق على قوانين المنتدى 

آخر 10 مشاركات
مشروع أمن قومي سري للغاااااااااااااااااااااااية           »          مع المشاريع الطيارة ومشروع الدرة المسلوق مشاريع عالمية           »          مشروع اول شركة مساهمة في مصر بالموبايل اقتراح علي الرئيس           »          مشروع موقع شجرة العيلة tree حملة صل رحمك           »          أقتراح علي وزير التموين           »          المشروع القومي لرؤية الهلال وتوحيد يومي صوم وفطر المسلمين           »          مشروع خطيييير وجديد مشروع الأونيون اول مرة تسمع عنو           »          مع فكرة مسابقة أطول سجدة في العالم           »          مشروع وفكرة شركة موبايلك تفصيل           »          فائدة ذكر لفظ الجلاله

إنشاء موضوع جديد  رد
 
أدوات الموضوع طرق مشاهدة الموضوع
  #1  
قديم 04-12-2007, 10:46 PM
الصورة الرمزية Hajar
Hajar غير متواجد حالياً
الأعضاء
 
تاريخ التسجيل: Sep 2007
المشاركات: 209
جزاك الله خيرا: 0
تم شكره 4 مرة فى 4 مشاركة
افتراضي اسكتشات

شباب المنتدى .. طبعا بنات وولاد

ازيكم عاملين ايه

انا عارفة غبت مدة طويلة اوى عنكم .. بس كنت فعلا مشغولة جدا

لكن النهاردة راجعلكم بموضوع نقدر نقول عليه طريف نوعا ما

الموضوع مش انا اللى هكتبه .. انتو اللى هتكتبوه

تعالوا نجمع هنا اسكتشات .. طبعا كلنا فاهمين يعنى ايه .. وعشان اوضح الصورة أكتر

الاسكتشات هى مواقف تمثيلية فى الغالب بتكون كوميدية .. إلا أنها بتكون تهدف لقيمة أو بتقدم رسالة

عايزين اسكتشات قوية .. ولها قيمة عالية .. وفى نفس الوقت كوميدية

اللى يقدر يألف لنا اسكتش يألف .. واللى عارف اسكتش يكتبه .. واللى يعمل سيرش على النت ويجيبلنا اسكتشات يجيب

المهم اننا نعمل تشكيلة من الاسكتشات الهادفة المضحكة


اللى يجيب حاجة يحطها فى الموضوع ده .. عشان يبقى موضوع واحد جامع كل الاسكتشات

فى انتظاركم .. وخللوا بالكم هنعمل تصويت على أحسن اسكتش
رد مع اقتباس
  #2  
قديم 04-12-2007, 10:53 PM
الصورة الرمزية داليا
داليا غير متواجد حالياً
الأعضاء
 
تاريخ التسجيل: Sep 2007
المشاركات: 561
جزاك الله خيرا: 0
تم شكره 24 مرة فى 17 مشاركة
افتراضي

حمد لله على السلامة ورجعتى نورتى المنتدى تانى ووحشتينى قوى والله يا هاجر
بالنسبة للموضوع هبقى أفتكر لو كنت عرفة حاجة هكتبها بإذن الله
أنا دخلت بس دلوقتى علشان أسلم عليكى
:| :| :| :| :|
رد مع اقتباس
  #3  
قديم 04-12-2007, 11:12 PM
الصورة الرمزية Hajar
Hajar غير متواجد حالياً
الأعضاء
 
تاريخ التسجيل: Sep 2007
المشاركات: 209
جزاك الله خيرا: 0
تم شكره 4 مرة فى 4 مشاركة
افتراضي

الله يسلمك يا دودو يا جميلة

انتو كمان وحشتونى اوى .. وغصب عنى الغيبة عنكم

وفى انتظار اللى هتفتكريه

:| :roll:
رد مع اقتباس
  #4  
قديم 05-12-2007, 11:46 AM
الصورة الرمزية شاعرة الاسلام
شاعرة الاسلام غير متواجد حالياً
المشرف العام
 
تاريخ التسجيل: Sep 2007
المشاركات: 4,191
جزاك الله خيرا: 213
تم شكره 486 مرة فى 335 مشاركة
افتراضي

هاجر ازيك ؟؟؟؟؟؟؟؟؟؟؟
انتي عايزة مننا نقول مواقفنا احنا المضحكة ولا حاجات احنا عارفيناه؟
حددي لو سمحتي لاننا دقاق جدا
__________________


رد مع اقتباس
  #5  
قديم 05-12-2007, 11:59 AM
الصورة الرمزية ساندى
ساندى غير متواجد حالياً
الأعضاء
 
تاريخ التسجيل: Sep 2007
الدولة: sona3 alhaya
المشاركات: 2,923
جزاك الله خيرا: 13
تم شكره 142 مرة فى 106 مشاركة
افتراضي


الله ايه المواضيع الجامده دى
وحشتيييييينى مووووت ياهاجر
اوك ياقمر
معاكى
:| :| :|
__________________
رد مع اقتباس
  #6  
قديم 08-12-2007, 03:25 AM
الصورة الرمزية Hajar
Hajar غير متواجد حالياً
الأعضاء
 
تاريخ التسجيل: Sep 2007
المشاركات: 209
جزاك الله خيرا: 0
تم شكره 4 مرة فى 4 مشاركة
افتراضي

أزيك يا شاعرة عاملة ايه

انا اقصد اسكتش مش موقف مضحك حصل لينا .. اسكتش يعنى مسرحية صغيرة بتهدف لرسالة او قيمة لكن بتقدم الرسالة دى فى شكل كوميدى


ساندى
انتو كمان وحشتونى يا جميل
شاكلك كده يا ساندى فهمتى قصدى .. هاه فين بقى الاسكتش؟؟
رد مع اقتباس
  #7  
قديم 08-12-2007, 04:08 AM
الصورة الرمزية Hajar
Hajar غير متواجد حالياً
الأعضاء
 
تاريخ التسجيل: Sep 2007
المشاركات: 209
جزاك الله خيرا: 0
تم شكره 4 مرة فى 4 مشاركة
افتراضي

ايه يا شباب هو الموضوع صعب اوى كده؟؟ :arrow:

على العموم أنا هبدأ باسكتش عشان توصلكم الفكرة

ده اسكتش عبارة عن برامج تليفزيونية تداخلت مع بعضها بسبب عطل فنى .. وكل برنامج منهم كان على قناة منفصلة ولكنه بيتذاع فى نفس الوقت اللى بيتذاع فيه بقية البرامج

وكانت البرامج عبارة عن : نشرة أخبار - وبرنامج حدوتة للاطفال - وماتش كورة - وبرنامج فن الطهى

المفروض ان الاسكتش ده يمثله 5 أفراد كل واحد هيقوم بدور مذيعة الربط أو مذيع النشرة أو معلق الماتش او مقدم برنامج الأطفال أو مقدم برنامج فن الطهى

واللى يخلى الاسكتش متقن اوى هو ان اللى بيمثلوه يتقنوا لعبة التداخل بحيث يبقى الكلام مكمل لبعضه بدون وقفات ..

طبعا مش انا اللى كتباه .. بس انا كنت بقوم بدور المعلق الرياضى


وهاسيبكم مع الاسكتش


*******************************

سيداتى آنساتى سادتى ...صباح الخير..أهلا ومرحبًا بكم فى اليوم المنفوخ وكل يوم منفوخ وأنتم طيبين.. وخيرما نبدأ به اليوم القران الكريم وبرده بننهيه بالقرآن الكريم وبينهم شيطان رجيم وأشياء أخرى الله أعلم بها .. أما الآن نظرًا لضيق الوقت مش هانقدر نقدم لكم غير: 5 أفلام عربية و3 أفلام أجنبية و6مباريات و3ساعات إعلانات و5 ساعات أى حاجة تانية أنتوتحبوها ..... وطبعا بنقدم لحبايبنا الصغيرين برنامج أبلة فظيعة ، واللى هتحكلنا حكاية مريعة .. وبنواصل بعد برنامج الأطفال ... برنامج المرأة المتشردة وانهارده فى برنامجنا هانتكلم عن طريقة جديدة لتعبئة الأزواج فى أكياس بلاستيك...أما عن البرامج الدينية اليوم سنقدم برنامج قشور الدين وللنمل جذور وثيقة فى الإسلام وسيستضيف البرنامج الأستاذ الدكتورحسب الجو أبو التفاهيل .. وأيضا الأستاذ الدكتورعبدالباسط السهل فى موضوع النمل فى الإسلام ... ثم ننتقل إلى الجزء الفكاهى ومسرحية زعابيط وإن شاء الله اللى هايتفرج عليها هايبقى عبيط

وللأسف حصلت مشكلة بسيطة لأن القمر الصناعى اتحول لقمر الدين .. والقنوات كلها لزقت فى بعضها وياريت كل السادة المشاهدين يخدوا بالهم من العطل دا كويس وكل واحد يحاول يضبط القنوات كويس جدًا والآن مع نشرة الأخبار . . . . . . . . . . . . . . . . . .


النشرة : السلام عليكم ورحمة الله وبركاته نقدم لكم أولى نشراتنا الإخبارية لهذا اليوم وفى نشرتنا . . . . .

الطباخ : علبتين زبادى وكيلو لبن و5خيارات وتروحى جايبة . . . . .

المعلق : 5 لعيبة فى خط الظهر و3 فى خط النص و2 فى الهجوم وبيحكم اللقاء انهارده الكابتن كمال الغندور اللى نزل أرض الملعب وأدامه . . . . .

الطباخ : عين البوتجاز .. وتحطى عليها حلة الرز وتروحى سيباها . . . . .

حاكى الحواديت : فى المغارة ..وبعدين يا عمو ..وبعدين يا حبيبى ..على بابا وسمسمة كانوا داخلين وهناك لقوا. . . .

النشرة : قوات مجلس الأمن التى أدانت بشدة ما يحدث فى القدس .. كما أعلن الرئيس بل كلينتون أنه . . . . .

حاكى الحواديت : حمار كبيييييييير .... وراحوا راكبين وطالعين على الغابة ولقوا هناك . . . . .

المعلق : اللاعيب الكبير ... اللاعيب الكبير أوى أوى ماشى بالكرة وهيعدى منه .. وهيعدى.... يا خسارة اتخدت منه ووصلت .....

حاكى الحواديت : للفيل الكبير ... اللى راح ضارب الأشكيف وأمنا الغولا وحطهم جوا . . . . .

الطباخ : الكنافة المحشية بالزبيب وجوز الهند .. وبعد كدة تحطى الشربات على . . . . .

المعلق : حسام حسن اللى ماشى بالكورة وهيشوط .. وهيشوط .. يا خسارررررررة . . . . .

الطباخ : باظت البصارة ... مش قلتلك ما تحطيش ملح كتير على الأكل علشان ما يعملش . . . . .

النشرة : زلزال وبراكين فى جنوب آسيا ... مما أدى إلى . . .

المعلق : هدف أكيد ... لكن ضاع منه ويشوطها عصام الحضرى ويوصلها لحد . . . . .

الطباخ : حلة الشوربة .. وتحطى فيها حتت الخيار والكوسة .. وبعد ما تسلقيها كويس تروحى حطاها على . . . . .

النشرة : كوسوفا .. حيث هاجم رئيس الصرب المجتمع الدولى ووصف ما يحدث بأنه . . . . .

الطباخ : كوسة .. وقبل ما تسويها لازم تحطيها . . . . .

المعلق : فى الجووووون .. ياولد يا لعيب ميحطهاش إلا حسام حسن صاحب الراس الذهبية اللى بتفكرنا بـ . . . . .

الطباخ : قرع العسل .. وتحطى على البوتاجاز . . . . .

حاكى الحواديت : كابتن ماجد .. اللى خد باسم وراحوا يلعبوا . . . . .

الطباخ : فى الفرن لمدة 5 دقايق و32 ثانية ... وبعدها تجيبى حلة كبيرة أوى أوى أوى وتحطى فيها . . . . .

المعلق : ياسر ريان .. اللى بيرقص ويدخل منطقة الجزاء .. لكن بينضرب وجابوله الإسعاف وشالوه فى . . . . .

الطباخ : الكنكة .. بعد ما تقدمى الشاى لضيوفك تقولى لهم بابتسامة رقيقة . . . . .

المعلق : براااااااااااااااا ... وهادى خشبة يا واد يا لعيب أنقذ الكرة من . . . . .

الطباخ : أم على .. بعد ما تحطى عليها الشربات تروحى مدية لجوزك . . . . .

المعلق : ببوز الجزمة .. زى ما احنا شايفين يا جماعة الجماهير فى الدرجة الثالثة . . . . .

الطباخ:اتحرقت فى الفرن ... لكن ماتزعليش تقدرى تقدميها لـ . . . . .

النشرة : المفاوضين العرب فى مباحثات السلام .. حيث صرح الرئيس بل كلينتون أنه سوف يضطر إلى المفاوضة فى عملية السلام .. وسيعرض مقترحاته على . . . . .

المعلق : اللاعيب الكبير أوى أوى هادى خشبة .. اللى بيعمل إعجاز انهاردة ويشوط الكرة قنبلة . . . . .

النشرة : فى قلب العالم الإسلامى .. الذى أدان كل ما يحدث داخل . . . . .

حاكى الحواديت : بيت الأشباح .. ولما باسم شاف العفريت جرى بسرعة وراح داخل فى . . . . .

النشرة : مجلس الشعب ... الذى قرر عقد أولى جلساته فى . .

الطباخ : الزبالة .. لازم تتخلصى من الزبالة أول بأول و بعد كدة ترميها فى ......

النشره : البرلمان .. وقد تم ضبط أحد أعضاء مجلس الشعب........

حاكى الحواديت : و هو بيلعب فى مناخيره .. ودى طبعا ً عادة سيئة جدا ً وكان زمان بيعملها .......

المعلق : الحكم واللعيبة الكبار اللى شاركونا انهاردة . . . .

الطباخ : فى حلة كبيرة أوى . . . . .

النشرة : وبهذا تنتهى نشرة الأخبار والسلام عليكم ورحمة الله وبركاته . . . . . .

كانت معكم مديحة حاتم حدايق القبة القاهرة جنب تلاجة البيبسى بتاعت عم عبدو . . .

************************************************** *****************

هستنى تعليقاتكم .. واتمنى ان الفكرة تكون وضحت عشان تشاركوا معايا باسكتشات

رد مع اقتباس
العضو الأتى يقول جزاك الله خيرا لى Hajar لمشاركته المفيدة:
  #8  
قديم 08-12-2007, 04:30 AM
الصورة الرمزية ساندى
ساندى غير متواجد حالياً
الأعضاء
 
تاريخ التسجيل: Sep 2007
الدولة: sona3 alhaya
المشاركات: 2,923
جزاك الله خيرا: 13
تم شكره 142 مرة فى 106 مشاركة
افتراضي


الله عليكى ياهاجر وحشاااااااانىموووووووت
ههههههههههههههه
ان شاء الله اجيب واحد مش تزعلى والله
طمنينى عليكى عامله ايه يارب بخير
:| :| :| :| :|
__________________
رد مع اقتباس
  #9  
قديم 08-12-2007, 04:40 AM
الصورة الرمزية ساندى
ساندى غير متواجد حالياً
الأعضاء
 
تاريخ التسجيل: Sep 2007
الدولة: sona3 alhaya
المشاركات: 2,923
جزاك الله خيرا: 13
تم شكره 142 مرة فى 106 مشاركة
افتراضي

هذا الموضوع من اجل تنمية القدرات الابتكارية
أبلسة

(يظهر شخصان فى صورة اثنان من الشياطين أحدهما كبير (معلم), والآخر متعلم (أبلسة) يحاولان إخراج أحد المصلين من الصلاة )

(يظهر أبلسة على المسرح يلعب ويلهو)

إبليس: يا أبلسة عيب انت كبرت ولازم تتعلم حب أوامر إبليس الأعظم

أبلسة: لا يا عمو انا عايز ألعب مع الأولاد والشياطين الصغيرين

إبليس: لكن يا ولدى دى رسالة لازم نؤديها وهى إٌضلال البشر, يا أبلسة علم تضليل وإغواء البشر له قواعد وأسس علمية وضعها المستحق للعنة الله جدنا الكبير إبليس الأعظم

(وفجأة يظهر على المسرح شخص يصلى )

أبلسة: عمو فى شخص بيصلى هناك.

إبليس: بيصلى .. وإحنا م قادرين نعمله حاجة عالعموم دى فرصة عظيمة لتدريبك .. أبلسة انا عايزك تخليه يخرج من الصلاة

أبلسة: إزاى يا عمو

إبليس: روح قوله فى ودنه المحفظة فين ..

أبلسة: (عند المصلى) المحفظة فين... عمو بيقولك المحفظة فين

المصلى: أعوذ بالله من الشيطان الرجيم

(يفزع ابلسة ويرجع إلى إبليس )

إبليس: إيه اللى حصل أنت قلت له إيه... وإ يه اللى عمل فيك كده

أبلسة: دا الراجل قال أعوذ بالله من الشيطان الرجيم

إبليس: ع العموم يا أبلسة انتظر هنا ولكن شوف أنا هاعمل إيه

إبليس: (يذهب إلى المصلى ويقول له) إخشع.. إخشع.. أوعة تفكر فى المحفظة ولا فى أى حاجة.. محفظة إيه يا راجل

المصلى: (يتمايل ويظهر خشوعاً واضح )
إبليس: (يصر على كلماته) اخشع.. اخشع.. (والمصلى يهز رأسه ويبدأ فى الخشوع)

إبليس: لكن المحفظة فيها المرتب وممكن تكون فى جيبك.. طب شوفها كده فى جيبك

المصلى: (يضع يده فى جيبه باحثاً عن المحفظة)

إبليس: اخشع.. اخشع يا راجل... الصلاة أهم... الله بس أنت عارف سنية وعمايلها مش ممكن

المصلى: (يبدأ نفس حالة التفكير)

إبليس: اخشع.. اخشع لكن أكيد المحفظة تحت المرتبة وأكيد سنية خدتها وفيها المرتب

المصلى: (حالة التفكير بشدة)
إبليس: (هاه.. افتكر المحفظة.. المرتبة.. سنية.. أكيد هيه
رد مع اقتباس
  #10  
قديم 08-12-2007, 04:44 AM
الصورة الرمزية Hajar
Hajar غير متواجد حالياً
الأعضاء
 
تاريخ التسجيل: Sep 2007
المشاركات: 209
جزاك الله خيرا: 0
تم شكره 4 مرة فى 4 مشاركة
افتراضي

ايوة كده هو ده الشغل ولا بلاش

طبعا انا اقصد شغل ساندى .. مش شغل الأبالسة

ههههههههههههههههه

شكرا ليكى يا ساندى .. وتسلم ايديكى يا جميل :roll:



هاه مين يقول كمان
رد مع اقتباس
إنشاء موضوع جديد  رد

مواقع النشر

أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود BB متاحة
كود [IMG] متاحة
كود HTML معطلة
الانتقال السريع إلى


جميع الأوقات بتوقيت GMT +2. الساعة الآن 10:56 PM.
Powered by vBulletin® Version 3.7.2
Copyright ©2000 - 2014, Jelsoft Enterprises Ltd.

الدعم الفني » مهندس أحمد الديب